امریکی جریدے وال اسٹریٹ جرنل نے خبر دی ہے کہ امریکی فوج نے کھلے سمندروں میں ایرانی آئل ٹینکرز کو قبضے میں لینے کی تیاری شروع کردی۔
امریکی جریدے نے یہ خبر امریکی ذرائع سے دی ہے۔ جس کی آزاد ذرائع سے تصدیق نہیں ہوسکی ہے۔
دوسری جنگ بندی معاہدے کے باوجود امریکا نے ایرانی سمندروں کی ناکابندی برقرار رکھی ہوئی ہے۔ جس کے باعث ایران نے آبنائے ہرمز کھول کر 24 گھنٹے سے بھی کم وقت میں دوبارہ بند کردی۔
ایرانی خبر ایجنسی کا دعویٰ ہے کہ ایران مذاکرات کے اگلے مرحلے کیلئے اب تک رضامند نہیں ہے۔
ایک اندازے کے مطابق بندش کے خاتمے کے بعد 9 مختلف بحری جہاز آبنائے ہُرمُز سے گزر گئے تاہم بعد میں ایران نے آبنائے کو دوبارہ بند کرنے کا فیصلہ کیا۔ ایرانی گن بوٹس نے ایندھن سے لدے دو بھارتی پرچم بردار جہازوں پر فائرنگ کی۔
اسی دوران امریکی سینٹ کام نے 23 ایسے بحری جہازوں کو حملے کی دھمکیاں دے کر رخ موڑنے پر مجبور کیا۔
