اسرائیلی وزیراعظم بنیامن نیتن یاہو نے کہا ہے کہ امریکی صدر ڈونلڈ ٹرمپ نے لبنان میں جنگ بندی کا مطالبہ کیا۔
عرب میڈیا کے مطابق اسرائیلی کابینہ سے خطاب میں نیتن یاہو نے کہا کہ میں نے صدر ٹرمپ کی جانب سے جنگ بندی مطالبے پر آمادگی ظاہر کردی ہے۔
اس سے قبل امریکی صدر ڈونلڈ ٹرمپ کا کہنا تھا کہ لبنان اور اسرائیل کے درمیان 10 روزہ جنگ بندی پر اتفاق ہوگیا۔
ڈونلڈ ٹرمپ نے لبنان اور اسرائیل کے درمیان جنگ بندی کا اعلان کرتے ہوئے کہا کہ دونوں ممالک 10 روزہ سیزفائر پر متفق ہوگئے ہیں۔
واضح رہے کہ ایران جنگ کے دوران اسرائیل کی جانب سے لبنان پر جارحیت کا سلسلہ جاری ہے اور اب تک مغربی ایشیائی ملک میں 2 ہزار 164 افراد جان سے جاچکے ہیں۔
صہیونی افواج کی کارروائیوں میں 7 ہزار 61 افراد زخمی بھی ہوئے ہیں۔
علم میں رہے کہ امریکا سے مذاکرات کے دوران بھی ایران نے لبنان میں اسرائیلی کارروائیاں روکنے کا مطالبہ کیا تھا۔
