پاکستان میں ایچ آئی وی مخصوص گروپس سے نکل کر عام آبادی میں پھیلنے لگا

پاکستان میں ایچ آئی وی مخصوص گروپس سے نکل کر عام آبادی میں پھیلنے لگا۔

اس حوالے سے ماہرین صحت کا کہنا ہے کہ پاکستان میں ایچ آئی وی سے متاثرہ افراد کی تعداد 3 لاکھ 70 ہزار ہوگئی، پاکستان کے 79 فیصد افراد ایچ آئی وی سے لاعلم ہیں۔

ماہرین صحت نے کہا کہ بلڈ بینک کی نگرانی اور خون کی مکمل اسکریننگ یقینی بنائی جائے، غیر محفوظ انجیکشنز کے خاتمے اور انفیکشن کنٹرول کو مؤثر بنانے کی ضرورت ہے۔

ماہرین صحت کا کہنا ہے کہ فوری اقدامات نہ کیے گئے تو صورتحال سنگین ہو سکتی ہے۔