جمعیت علماء اسلام (جے یو آئی-ف) کے سربراہ مولانا فضل الرحمان نے کہا ہے کہ موجودہ حالات عالمی جنگ کا باعث بن سکتے ہیں۔
لاہور میں صحافیوں سے گفتگو میں فضل الرحمان نے کہا کہ خلیجی ممالک کو سمجھنا ہوگا کہ امریکی ایئر بیسز ان کے نقصان کا باعث بنے ہیں۔
انہوں نے کہا کہ موجودہ حالات عالمی جنگ کا باعث بن سکتے ہیں، پاکستان ثالثی کرکے دنیا کو تیسری عالمی جنگ سے بچا رہا ہے۔
جے یو آئی سربراہ نے مزید کہا کہ صورتحال جاری رہی تو دوسری طاقتیں بھی جنگ کا حصہ بن جائیں گی۔
اُن کا کہنا تھا کہ پالیسیوں میں مستقل بہتری لانے کی ضرورت ہے، ہم نے سعودی عرب اور پاکستان کے دفاعی معاہدے کو سراہا۔
مولانا فضل الرحمان نے یہ بھی کہا کہ بانی پی ٹی آئی کو رہا کرکے سیاسی کردار ادا کرنے کا موقع دینا چاہیے، تحریک انصاف سے رابطے کسی نتیجے تک نہیں پہنچ سکے۔
We’re a media company. We promise to tell you what’s new in the parts of modern life that matter. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Sed consequat, leo eget bibendum sodales, augue velit.
