گھر سے 70 سالہ خاتون کی لاش برآمد، تیز دھار آلے سے قتل کیا گیا

کراچی کے ضلع وسطی کے علاقے حسین آباد میں ایک گھر سے 70 سال کی خاتون کی لاش ملی ہے۔ 

پولیس حکام کے مطابق خاتون کو تیز دھار آلے سے قتل کیا گیا۔ مزید تحقیقات جاری ہیں۔

حکام نے مزید بتایا کہ بیٹی کے فون کا جواب نہ دینے پر داماد پہنچا تو لاش دیکھی۔ خاتون فلیٹ میں اکیلی تھی، کسی قریبی شخص کے قتل میں ملوث ہونے کا شبہ ہے۔ 

پولیس کے مطابق لاش کو قانونی کارروائی کے لیے عباسی شہید اسپتال منتقل کر دیا گیا ہے۔