ٹرمپ کا پاسداران انقلاب کے خاتمے، فرار اور آبنائے ہرمز پر مکمل کنٹرول کا دعویٰ

امریکی صدر ڈونلڈ ٹرمپ نے ایرانی پاسداران انقلاب کے خاتمے اور فرار کے ساتھ آبنائے ہرمز پر مکمل کنٹرول کا دعویٰ کردیا۔

ایک بیان میں امریکی صدر نے کہا کہ آبنائے ہُرمُز مکمل طور پر امریکی کنٹرول میں ہے، لوگ امریکی بحریہ کی اس ناکہ بندی کو آہنی دیوار کہہ رہے ہیں۔

انہوں نے کہا کہ ایران اس آہنی دیوار کے بارے میں کچھ نہیں کرسکتا، پاسداران انقلاب کو ختم کردیا ہے اور وہ فرار ہو رہے ہیں۔

ڈونلڈ ٹرمپ نے مزید کہا کہ ان کی قیادت بے یقینی کا شکار ہے، سب سے اچھی بات یہ ہے کہ ان کے پاس پیسے نہیں ہیں۔ ایران کے پاس صرف فیک نیوز ہیں اور مہنگائی کی شرح 300 فیصد ہوچکی ہے، آگے ان کی حالت اس سے بھی بدتر ہوگی۔

امریکی صدر نے کہا کہ ایران اب خطے کا بدمعاش نہیں رہا، ہم آبنائے ہرمز پر یہ کنٹرول برقرار رکھیں گے۔