پاکستان کے برطانیہ میں ہائی کمشنر ٹیپو عثمان نے لندن میں کام کرنے والے پاکستانی میڈیا ہاؤسز کے نمائندگان کے ساتھ تعارفی ملاقات کی ہے۔
ہائی کمشنر نے معرکہ حق کے دوران برطانیہ میں پاکستانی میڈیا کے مثبت کردار کو سراہا اور دیگر اہم امور کے حوالے سے پاکستانی کمیونٹی کو باخبر رکھنے میں میڈیا کی کاوشوں کی تعریف کی۔
ہائی کمشنر ٹیپو عثمان نے اس عزم کا اعادہ کیا کہ پاکستان ہائی کمیشن لندن پاکستانی میڈیا کے ساتھ قریبی تعاون جاری رکھے گا تاکہ برطانیہ میں پاکستانی کمیونٹی کو ہائی کمیشن کے اقدامات سے آگاہ رکھا جا سکے اور ان کی بہتر خدمت کی جا سکے۔
میڈیا نمائندگان نے ہائی کمشنر ٹیپو عثمان کو ہائی کمشنر کا منصب سنبھالنے پر خوش آمدید کہا۔
تعمیری اور باہمی تبادلہ خیال کے دوران میڈیا نمائندگان نے برطانیہ بھر میں مقیم پاکستانی کمیونٹی تک رسائی کو مزید مؤثر بنانے اور ان کی فلاح و بہبود کے حوالے سے مختلف تجاویز بھی پیش کیں۔
