وزیراعظم شہباز شریف نے کہا ہے کہ اقلیتی برادری کی ملکی دفاع کےلیے قربانیاں ناقابل فراموش ہیں۔
اقلیتوں کے قومی دن کی مناسبت سے منعقدہ تقریب سے خطاب میں وزیراعظم شہباز شریف نے کہا کہ اقلیتی برادری نے تحریک پاکستان میں قائد اعظم کا ساتھ دے کر تعمیری کردار ادا کیا۔
انہوں نے اقلیتوں کے قومی دن پر وزیراعظم نے تعلیمی میدان میں اقلیتوں کی خدمات کو سراہا اور کہا کہ ہر مذہب کے پیروکاروں کو برابر کے حقوق حاصل ہیں۔
وزیراعظم نے مزید کہا کہ پاکستان میں موجود اقلیتوں کا احترام کرتے ہیں، ہندو، سکھ، مسیحییوں نے پاکستان کے قیام میں تاریخی کردار ادا کیا۔
اُن کا کہنا تھا کہ پاکستان کی تعمیر اور ترقی میں بھی اقلیتوں کا کردار ہے، جنگوں کے دوران بھی اقلیتی برادری نے شاندار کردار ادا کیا، تعلیم کے میدان میں مسیحی برادری کی خدمات قابل ستائش ہیں۔
شہباز شریف نے یہ بھی کہا کہ پاکستان، سعودی عرب اور ترکیہ کا دفاعی معاہدہ کسی ملک کے خلاف نہیں، یہ معاہدہ صرف امن اور سلامتی کےلیے ہے۔
