عمان کے ساتھ کسی بھی معاہدے سے آبنائے ہرمز فوری طور پر دوبارہ نہیں کھلے گی: ایرانی سرکاری میڈیا

ایرانی سرکاری میڈیا کے مطابق عمان کے ساتھ کسی بھی معاہدے سے آبنائے ہرمز فوری طور پر دوبارہ نہیں کھلے گی۔

ایرانی میڈیا کے مطابق ایران کے عمان کے ساتھ ہونے والے مذاکرات کا امریکا سے کوئی تعلق نہیں۔

ایرانی سرکاری میڈیا کا کہنا ہے کہ آبنائے ہرمز دوبارہ کھولنا امریکا کے رویے میں تبدیلی اور اس کی خلاف ورزیوں کی اصلاح پر منحصر ہے۔

واضح رہے کہ اس سے قبل امریکا، ایران اور عمان آبنائے ہرمز کو دوبارہ کھولنے کے لیے 60 روزہ عارضی معاہدے کے قریب پہنچ گئے۔

امریکی میڈیا نے دعویٰ کیا ہے کہ امریکا اس عارضی معاہدے کا اعلان آج کرنا چاہتا ہے۔

امریکی ویب سائٹ ایگزیوس کا کہنا ہے کہ معاہدے میں عمان، ایران کے درمیان آبنائے ہرمز کے لیے 60 روزہ عارضی انتظام شامل ہے، جس میں توسیع کی جا سکتی ہے۔