یو اے ای کی المنہاد ایئر بیس پر ایران کے حملے کی مذمت

متحدہ عرب امارات کی وزارت خارجہ نے المنہاد ایئر بیس پر ایران کے حملے کی مذمت کی ہے۔

متحدہ عرب امارات کا کہنا ہے کہ ایرانی حملے کے بعد جواب دینے کا مکمل حق رکھتے ہیں۔

یو اے ای کی وزارت خارجہ کے ایک بیان میں کہا گیا کہ ایران کا ڈرون حملہ کشیدگی میں خطرناک اضافہ اور یو اے ای کی خود مختاری کی سنگین خلاف ورزی ہے۔

اماراتی وزارت خارجہ کا کہنا ہے کہ فضائی دفاعی نظام نے ایران سے آنے والے ڈرون کو اماراتی سمندری حدود میں مار گرایا۔

واضح رہے کہ ایرانی فوج نے آج صبح متحدہ عرب امارات کے المنہاد ایئر بیس کو ڈرونز سے نشانہ بنانے کا دعوی کیا تھا۔