دھابیجی پمپنگ اسٹیشن کی بجلی بحال کردی گئی، جس کے بعد کراچی کے متاثرہ علاقوں میں پانی کی فراہمی بھی بحال کردی گئی ہے۔
واٹر کارپوریشن کے ترجمان کے مطابق جمعہ کی رات دھابیجی پمپنگ اسٹیشن کے تھرڈ فیز میں بجلی کا بریک ڈاؤن ہوا تھا، جس کے باعث کراچی کو 52 ملین گیلن پانی کی کمی کا سامنا کرنا پڑا۔
ترجمان کے مطابق کے الیکٹرک نے بجلی کی بندش کی وجہ کیبل فالٹ کو قرار دیا تھا، بجلی کی بندش کے باعث لانڈھی، کورنگی، شاہ فیصل، ڈیفنس، ڈی ایچ اے، قیوم آباد اور کارساز کے علاقوں میں پانی کی فراہمی متاثر ہوئی تھی۔
واٹر کارپوریشن کے ترجمان کا کہنا ہے کہ بجلی بحال ہونے کے بعد متاثرہ علاقوں میں پانی کی فراہمی بھی بحال کردی گئی ہے۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
