3
راولپنڈی میں بارش کے باعث نشیبی علاقے زیرِ آب آ گئے۔
نکاسی آب کے لیے واسا کی ٹیمیں تاحال متاثرہ علاقوں میں نہ پہنچ سکیں جس کے باعث شہریوں کو مشکلات کا سامنا ہے۔
صادق آباد اور ڈھوک الہٰی بخش میں لوگوں کے گھروں میں پانی داخل ہو گیا جبکہ مری روڈ، راول روڈ اور ڈھوک کھبہ میں بھی پانی سڑکوں پر جمع ہو گیا۔
پانی دکانوں اور گھروں میں داخل ہونے سے شہریوں کو مشکلات کا سامنا ہے۔
دوسری جانب راولپنڈی اور اسلام آباد میں بارش کا سلسلہ تھمنے کے بعد نالہ لئی میں پانی کی سطح نیچے آگئی، کٹاریاں کے مقام پر پانی کی سطح 14 فٹ تک نیچے آ گئی۔
گوالمنڈی پُل کے مقام پر پانی کی سطح 16 فٹ ہو گئی ہے۔
