لڑکا، لڑکی ہلاکت کیس میں سنسنی خیز انکشافات

میر پور خاص میں دو روز قبل گھر میں فائرنگ سے لڑکا اور لڑکی کی ہلاکت کے کیس میں سنسنی خیز انکشافات سامنے آگئے۔

جاں بحق نوجوان نے انتقال سے پہلے ویڈیو بیان ریکارڈ کیا، جس میں دعویٰ کیا کہ لڑکی اس کی منکوحہ تھی، وہ مسلسل نافرمانی کررہی تھی اس لیے خود کو مار رہا ہوں۔

دوسری جانب پولیس کے مطابق فائرنگ کے بعد لڑکی کے اہلخانہ نے لڑکے کے 3 ساتھیوں کو پکڑلیا تھا۔

پولیس نوجوان کی لاش اور اس کے ساتھیوں کو گھر سے نکالنے کے لئے پہنچی تو مشتعل افراد نے پولیس موبائل پر فائرنگ اور حملہ کیا جبکہ نوجوان کی لاش جلانے کی کوشش کی۔

پولیس پر حملے کا مقدمہ 48 افراد کے خلاف درج کیا گیا ہے، جس میں انسداد دہشت گردی کی دفعات شامل ہیں۔

ادھر لڑکی کے اہلخانہ کا موقف ہے کہ لڑکے نے فائرنگ کرکے لڑکی کو قتل اور اس کی والدہ کو زخمی کیا، پھر خود کو گولی مارکر خودکشی کرلی۔