روس نے امریکی میرین رابرٹ گلمین کو رہائی دیدی

روس نے امریکی میرین رابرٹ گلمین کو رہائی دیدی، ٹرمپ نے رہائی کو روسی صدر پیوٹن سے انکی بات چیت کا نتیجہ قرار دیا ہے۔

امریکا کے صدر ڈونلڈ ٹرمپ نے اس بات پر اظہار تشکر کیا کہ یہ رہائی محض انسانی بنیادوں پر کی گئی ہے، روس نے اسکے بدلے کوئی تبادلہ یا مطالبہ نہیں کیا۔ 

صدر ٹرمپ نے کہا کہ گلمین آج شام اینڈریوز ایئرفورس بیس پہنچیں گے۔

روسی میڈیا کے مطابق امریکی شہری نے سن دو ہزار بائیس میں ماسکو ٹرین میں جھگڑا اور پولیس اہلکار پر تشدد کیا تھا۔

امریکی میرین رابرٹ گلمین کو قید کی سزا دی گئی تو وہ جیل حکام سے بھی جھگڑا کرتا رہا جس پر اسکے خلاف نیا مقدمہ قائم کیا گیا تھا، جس پر اسے دس سال قید سنائی گئی تھی۔