وزیر دفاع خواجہ محمد آصف نے انکشاف کیا ہے کہ امریکا اور ایران سمجھوتے کے قریب ہیں۔
امریکی میڈیا کو دیے گئے انٹرویو میں خواجہ آصف نے کہا کہ امریکا اور ایران کے معاملات ایک بار پھر امن معاہدے یا سمجھوتے کی طرف جارہے ہیں۔
انہوں نے کہا کہ گزشتہ دو تین روز سے ملنے والے اشارے بتارہے ہیں کہ فریقین کسی نہ کسی معاہدے کے قریب ہیں، پائیدار امن پورے خطے کے مفاد میں ہوگا۔
امریکی میڈیا کے مطابق خواجہ آصف کے بیان کے بعد عالمی مارکیٹ میں خام تیل کی قیمت بھی نیچے آئی ہے۔
دوسری جانب وفاقی وزیر داخلہ محسن نقوی ایران پہنچ گئے ہیں، انہوں نے تہران میں وزیر خارجہ عباس عراقچی سے ملاقات کی اور خطے کی صورتِ حال پر تبادلۂ خیال کیا۔
ادھر قطر کا بھی کہنا ہے کہ آبنائے ہرمز کھولنے پر ایران عمان مذاکرات ایڈوانس اسٹیج پر پہنچ گئے ہیں، آبنائے ہرمز کو سیاسی بلیک میلنگ کے لیے استعمال نہ کیا جائے۔
قطری وزارتِ خارجہ نے پاکستان، سعودی عرب اور ترکیہ کے دفاعی معاہدے کا بھی خیر مقدم کیا اور کہا کہ سیکیورٹی اور دفاع کو مضبوط بنانے والے کسی بھی علاقائی تعاون کو مثبت نگاہ سے دیکھتے ہیں۔
