شمالی لندن کے علاقے کلرکن ویل میں 23 سالہ خاتون کی ہلاکت کے بعد قتل کے شبہ میں چھ افراد کو گرفتار کر لیا گیا۔
میٹرو پولیٹن پولیس کے مطابق جمعرات کی صبح Bollinder Place کے ایک رہائشی پتے سے خاتون کی خیریت سے متعلق تشویش کی اطلاع ملی۔
پولیس اور لندن ایمبولینس سروس کی ٹیمیں موقع پر پہنچیں، جہاں خاتون بے ہوش حالت میں ملی اور اسے جائے وقوعہ پر ہی مردہ قرار دے دیا گیا۔
پولیس نے موقع سے 20 سے 26 سال کی چار خواتین اور 21 اور 24 سالہ دو مردوں کو گرفتار کیا۔ تمام چھ افراد کو مزید تفتیش جاری رہنے تک ضمانت پر رہا کر دیا گیا ہے۔
پولیس مقتولہ کے قریبی رشتہ داروں کا سراغ لگانے کی کوشش کر رہی ہے۔
چیف سپرنٹنڈنٹ جیسن اسٹیورٹ نے واقعے کو افسوسناک قرار دیتے ہوئے کہا کہ پولیس کی ہمدردیاں خاتون کے اہل خانہ اور دوستوں کے ساتھ ہیں۔
واقعے کی تحقیقات کے سلسلے میں پیر کے روز بھی جائے وقوعہ پر فرانزک ٹیمیں موجود رہیں۔ پولیس نے کہا ہے کہ تحقیقات جاری ہیں۔
