کراچی کے نوجوان تاجر میر رضا کا موت سے چند گھنٹے قبل بھیجا گیا آڈیو پیغام جیو نیوز نے حاصل کر لیا، میسج میں میر رضا مالی معاملات اور ادائیگیوں کا ذکر کر رہے ہیں۔
سامنے آنیوالی آڈیو میں میر رضا پیسے کے لین دین سے متعلق بات کررہے ہیں، تاہم میر رضا کے والد کا کہنا ہے کہ یہ آڈیو ان کے بیٹے کی نہیں ہے، انہوں نے الزام عائد کیا کہ کیس خراب کرنے کیلئے یہ سب کیا جا رہا ہے۔
جیو نیوز سے گفتگو کرتے ہوئے والد میر رضا میر حسین نے کہا کہ میری ایک آڈیو بھی سامنے آگئی ہے، گزشتہ روز بیٹے کی آڈیو کا کہا گیا تھا، ان آڈیو کا کسی نے فرانزک کروایا ہے یا نہیں؟
میر حسین نے کہا کہ اس کیس سے آڈیو کالز کا کیا تعلق ہے، یہ نہ میرے بیٹے کی آواز ہے نہ میری، پہلے پوسٹ مارٹم ہوا تو خول ملا، اب میر رضا کی قبر کشائی کے دوران آڈیو آرہی ہیں، یہ کون اور کیوں کر رہا ہے سمجھ نہیں آرہی۔
