سندھ ڈرگ ٹیسٹنگ لیباریٹری (ڈی ٹی ایل) کراچی نے 5 کمپنیوں کے آئی وی انفیوژن سیٹس کو غیر معیاری قرار دے دیا۔
ڈائریکٹر ڈی ٹی ایل ایس کے مطابق انفیوژن سیٹس کے نمونے ٹیسٹ میں مطلوبہ معیار پر پورا نہ اتر سکے۔
انھوں نے کہا کہ پانچ آئی وی ڈرپ سیٹس میں ٹیوب کی لمبائی معیار کے مطابق نہیں نکلی۔ ڈرپ سیٹس کی تیاری کے لیے استعمال ہونے والا مٹیریل بھی غیر معیاری نکلا۔
ترجمان کے مطابق نوشہرو فیروز اور کراچی ملیر سے حاصل ڈرپ سیٹس کے نمونے غیر معیاری ہیں۔ ڈائریکٹر ڈی ٹی ایل ایس نے پانچوں مصنوعات کو میڈیکل ڈیوائس رولز 2017 کے تحت سب اسٹینڈرڈ قرار دیا۔ متعلقہ ڈرگ انسپکٹرز کو رپورٹ ارسال کر دی۔
ڈائریکٹرڈی ٹی ایل ایس کے مطابق سیکریٹری کوالٹی کنٹرول بورڈ سندھ کو بھی ٹیسٹ رپورٹس بھجوا دی گئیں۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
