مون سون بارشوں، سیلاب و لینڈ سلائیڈنگ سے 100 افراد ہلاک

بھارت میں مون سون سیزن نے تباہی مچا دی ہے، خطرناک بارشوں کے باعث سیلاب اور لینڈ سلائیڈنگ کے نتیجے میں اموات میں اضافہ ہو گیا ہے۔

بھارتی حکام کے مطابق جولائی سے اب تک بارشوں، سیلاب اور لینڈ سلائیڈنگ کے باعث 100 سے زائد افراد ہلاک ہو چکے ہیں۔

بھارتی حکام کے مطابق ریاستِ آسام میں سب سے زیادہ 87 افراد جان کی بازی ہار گئے۔

بھارتی میڈیا کے مطابق دارالحکومت نئی دہلی اور ممبئی میں موسلادھار بارشیں ریکارڈ کی گئی ہیں۔

نئی دہلی میں مسلسل بارش سے نشیبی علاقے زیرِ آب اور متعدد سڑکیں پانی میں ڈوب گئی ہیں۔

بھارتی میڈیا کا کہنا ہے کہ متاثرہ علاقوں میں بجلی کی فراہمی اور ٹریفک کی روانی بھی شدید متاثر ہوئی ہے۔