کراچی کے علاقے سرجانی ٹاؤن میں گاڑی سے جلی ہوئی لاش ملنے کے کیس میں ملزم ذیشان ناز اور اس کے ساتھی کو چار روز کے جسمانی ریمانڈ پر پولیس کے حوالے کردیا گیا۔
سرجانی ٹاؤن میں گاڑی سے جلی لاش ملنے کے کیس کی سماعت جوڈیشل مجسٹریٹ غربی کی عدالت میں ہوئی، پولیس نے اپنی موت کا ڈرامہ رچانے والے تاجر ذیشان ناز اور ساتھی ضیغم کو عدالت میں پیش کیا۔
پولیس کا مؤقف ہے کہ ملزمان نے چاول کے کیڑے مارنے والی گولیاں کھلا کر مزدور قربان حسن کو بے ہوش کیا اور پیٹرول چھڑک کر اُسے آگ لگا دی تھی، ملزم ذیشان نے اپنے کپڑے مقتول کو پہنا کر شناخت چھپانے کی کوشش کی تھی۔
ملزم نے واردات کو حادثہ یا خودکشی قرار دینے کی کوشش کی، ملزم ذیشان ناز نے قرضہ داروں سے بچنے کے لیے بے گناہ مزدور کا قتل کیا، عدالت نے دونوں ملزمان کو چار روزہ جسمانی ریمانڈ پر پولیس کے حوالے کردیا۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
