پاکستان میں ایچ آئی وی سے متاثر بچوں کی تعداد تقریباً ساڑھے 7 ہزار تک پہنچ گئی۔
وفاقی وزارتِ صحت کے اعداد و شمار کے مطابق ایچ آئی وی کے 62 ہزار زیرِ علاج مریضوں میں بچوں کا تناسب تقریباً 12 فیصد ہے۔
اعداد و شمار کے مطابق سندھ بچوں میں ایچ آئی وی کا سب سے بڑا مرکز بن گیا ہے، صوبے میں ایچ آئی وی سے متاثرہ تقریباً 4 ہزار 200 بچے رجسٹرڈ ہیں۔
وفاقی حکومت نے یونیسیف، ورلڈ فوڈ پروگرام، ڈبلیو ایچ او اور نیوٹریشن انٹرنیشنل سے غذائی معاونت طلب کر لی۔
HIV کے شکار بچوں کو خصوصی سپلیمنٹس فراہمی کا منصوبہ
حکام کے مطابق شدید غذائی قلت کے شکار بچوں کو خصوصی خوراک اور مسلسل طبی نگرانی فراہم کی جائے گی۔
والدین اور تیمارداروں کو بچوں کی غذائی ضروریات سے متعلق رہنمائی بھی فراہم کی جائے گی۔
ماہرین نے بتایا ہے کہ ایچ آئی وی سے متاثرہ بچوں کو دیگر بچوں کے مقابلے میں 10 سے 20 فیصد زیادہ توانائی اور پروٹین درکار ہوتا ہے۔
ایچ آئی وی سے متاثرہ بچوں میں غذائی قلت پر قابو پا کر علاج کے نتائج مزید بہتر بنائے جا سکتے ہیں۔
