دفتر میں طویل وقت بیٹھ کر کام کرنا، جسمانی سرگرمی کی کمی، غیر متوازن غذا، پانی کم پینا اور ذہنی دباؤ نوجوان ملازمین میں قبض کی بڑی وجوہات بن رہے ہیں۔
طبی ماہرین کے مطابق مسلسل بیٹھے رہنے سے ہاضمہ سُست ہو جاتا ہے جبکہ فائبر سے بھرپور غذا کے بجائے تیار شدہ اور چکنائی والی غذاؤں کا زیادہ استعمال بھی آنتوں کی کارکردگی متاثر کرتا ہے۔
اس کے علاوہ پانی کم پینا، بے قاعدہ اوقات میں کھانا کھانا اور کام کا دباؤ بھی قبض کا خطرہ بڑھا دیتے ہیں۔
قبض سے بچاؤ کے لیے ماہرین نے مشورہ دیا ہے کہ ہر 1 گھنٹے بعد کم از کم 5 منٹ چہل قدمی کریں، دن بھر مناسب مقدار میں پانی پئیں، تیار شدہ اسنیکس کے بجائے پھل، خشک میوہ جات اور بیج استعمال کریں۔
ماہرین نے خبردار کیا ہے کہ اگر قبض 3 ہفتوں سے زیادہ برقرار رہے، شدید درد ہو یا پاخانے میں خون آئے تو فوری طور پر ڈاکٹر سے رجوع کرنا چاہیے۔
نوٹ: یہ مضمون قارئین کی معلومات کے لیے شائع کیا گیا ہے، صحت سے متعلق امور میں اپنے معالج کے مشورے پر عمل کریں۔
