بھارتی فلمی دنیا کے لیجنڈ اداکار دیوآنند اور اداکارہ کلپنا کارتک کے بیٹے، فلم ساز، اداکار سنیل آنند برطانیہ میں چل بسے۔
بھارتی میڈیا رپورٹس کے مطابق فلم ساز کے خاندان کی جانب سے سنیل آنند کی بھتیجی جینا نارنگ نے تصدیق کرتے ہوئے بتایا ہے کہ سنیل آنند منگل کو 70 برس کی عمر میں انتقال کر گئے۔
جینا نارنگ کے مطابق سنیل آنند کو لندن میں اُس وقت دل کا دورہ پڑا، جب وہ امریکا سے براستہ برطانیہ بھارت جا رہے تھے۔
انہوں نے بتایا کہ دل کا دورہ پڑنے کے بعد انہیں اسپتال منتقل کیا گیا، جہاں ابتدائی معائنے کے بعد ڈاکٹروں نے اسٹنٹ لگانے کا کہا، تاہم طبی کارروائی شروع ہونے سے قبل ہی انہیں دوبارہ دل کا دورہ پڑا۔ طبی ٹیم کی بھرپور کوششوں کے باوجود انہیں بچایا نہ جا سکا اور وہ انتقال کر گئے۔
میڈیا رپورٹس کے مطابق اتفاقاً سنیل آنند نے بھی اسی اسپتال میں آخری سانس لی تھی جہاں کئی برس قبل ان کے والد دیوآنند کا بھی انتقال ہوا تھا۔
