جون کے مقابلے میں جولائی میں ایل این جی کی قیمت میں بڑا اضافہ کیا گیا، جولائی کے لیے ایل این جی کی قیمت میں 6.45 ڈالر فی ایم ایم بی ٹی یو تک اضافہ ہوا۔
آئل اینڈ گیس ریگولیٹری اتھارٹی (اوگرا) کے نوٹیفکیشن کے مطابق جون کے مقابلے میں ایل این جی کی قیمتوں میں نمایاں اضافہ کیا گیا ہے۔
نوٹیفکیشن کے مطابق سوئی ناردرن گیس کے لیے ایل این جی کی قیمت میں 6.31 ڈالر فی ایم ایم بی ٹی یو اضافہ کیا گیا ہے، جس کے بعد نئی قیمت 25.83 ڈالر فی ایم ایم بی ٹی یو مقرر کی گئی ہے۔
اسی طرح سوئی سدرن گیس کمپنی کے لیے ایل این جی کی قیمت میں 6.45 ڈالر فی ایم ایم بی ٹی یو اضافہ کیا گیا ہے، جس کے بعد نئی قیمت 25.08 ڈالر فی ایم ایم بی ٹی یو مقرر کر دی گئی ہے۔
اوگرا کا کہنا ہے کہ جولائی میں ایل این جی کے 5 اسپاٹ کارگوز خریدے گئے، یوں اوسط ایل این جی اسپاٹ خریداری 18.90 ڈالر فی ایم ایم بی ٹی یو رہی۔
