7.1 شدت کے طاقتور زلزلے سے ہلاکتوں کی تعداد 35 ہو گئی

جاپان میں گزشتہ دنوں آنے والے تباکُن زلزلے کے نتیجے میں ہلاکتوں کی تعداد 35 ہو گئی ہے۔ 

زلزلے کے باعث ایک شاپنگ مال میں دھماکا ہوا، فیکٹری کی چمنی گر گئی اور متعدد مکانات ملبے کا ڈھیر بن گئے۔

کماموتو صوبائی حکومت نے جاری کردہ بیان میں بتایا ہے کہ تباہ کن زلزلے سے اب تک 35 اموات کی تصدیق ہو چکی ہے، جبکہ ملبے تلے دبے افراد کی تلاش کے لیے تربیت یافتہ کتوں کی مدد لی جا رہی ہے۔

امدادی کارروائیوں کے لیے تقریباً 5 ہزار سے زائد فوجی اہلکار تعینات کیے گئے ہیں۔

واضح رہے کہ جاپان کے جنوبی جزیرے کیوشو میں منگل کو آنے والے اس زلزلے کی شدت 7.1 ریکارڈ کی گئی تھی۔ 

امدادی اور سرچ آپریشن چوتھے روز میں داخل ہو گیا ہے، تاہم حکام اب تک یہ واضح نہیں کر سکے کہ کتنے افراد لاپتہ ہیں اور پورے علاقے میں مکانات کو پہنچنے والے نقصان کی مکمل نوعیت کیا ہے۔