شہید ملت روڈ مقابلے میں ہلاک ملزم کی شناخت ہوگئی، کئی وارداتوں میں مطلوب نکلا

کراچی میں گزشتہ روز شہید ملت روڈ کے قریب مقابلے میں ہلاک ملزم کی شناخت عثمان عرف نورالبشیر عرف عثمان بنگالی کے نام سے ہوگئی ہے۔

پولیس کے مطابق ہلاک ملزم کراچی کے ضلع ایسٹ اور ضلع کورنگی کے علاقوں میں اسٹریٹ کرائم کی وارداتوں میں ملوث تھا۔ ہلاک ملزم پولیس پر فائرنگ، ڈکیتی، راہزنی اور ناجائز اسلحہ کے مقدمات میں مطلوب تھا۔

ملزم چند روز قبل تھانا زمان ٹاؤن پولیس مقابلہ میں بھی نامزد ہوا تھا جس میں وہ مفرور بھی تھا۔

پولیس کا کہنا ہے کہ ملزم نے چند ماہ قبل ڈکیتی کے دوران سرکاری ملازم سے اسلحہ اور دیگر سامان چھینا تھا۔ ملزم اس سے قبل مختلف تھانہ جات کے متعدد مقدمات میں نامزد و مفرور بھی تھا۔