گلستان جوہر پرفیوم چوک کے قریب واٹر ٹینکر کی ٹکر سے ایک شخص جاں بحق ہوگیا۔
پولیس کے مطابق گلستان جوہر میں واٹر ٹینکر کی ٹکر سے ایک شخص زخمی ہوا جسے اسپتال منتقل کیا گیا جہاں وہ دم توڑ گیا۔
ریسکیو ذرائع کا کہنا ہے کہ حادثے میں جاں بحق شخص کی شناخت نہ ہوسکی تاہم اس کی عمر 30 سال کے لگ بھگ معلوم ہوتی ہے۔
واقعے کے بعد مشتعل افراد نے واٹر ٹینکر کو آگ لگادی جبکہ پولیس کا کہنا ہے کہ واقعے میں ملوث ٹینکر کا ڈرائیور فرار ہوگیا۔
ریسکیو ذرائع کے مطابق رواں سال ٹریفک حادثات میں 312 افراد جاں بحق ہوئے ہیں۔ رواں سال مختلف حادثات میں زخمیوں کی تعداد 3275 ہوگئی ہے۔
ذرائع کا کہنا ہے کہ کراچی میں رواں سال ٹریلر کی ٹکر سے 48، واٹر ٹینکرز کی ٹکر سے 31، بس کی ٹکر سے 12 اور ڈمپر کی ٹکر سے 5 افراد جاں بحق ہوئے۔
ذرائع کا کہنا ہے کہ رواں سال ہیوی گاڑیوں کی ٹکر سے مجموعی طور پر 107 افراد جاں بحق ہوئے۔
