مکہ کی فضائی حدود میں داخل ہونے کی کوشش کرنے والا ڈرون تباہ

سعودی اتحاد نے کہا ہے کہ فضائی دفاعی نظام نے مکہ کی فضائی حدود میں داخل ہونے کی کوشش کرنے والے حوثی ڈرون کو روک کر تباہ کر دیا۔

سعودی اتحاد نے ایک بیان میں کہا ہے کہ یمنی حوثیوں کی جانب سے بھیجے گئے ڈرون کو مکہ کے گرد ممنوعہ فضائی حدود میں داخل ہونے سے قبل ہی روک لیا گیا۔ 

دونوں مقدس مساجد کا تحفظ سرخ لکیر ہے اور اتحاد حوثیوں کے خلاف ضروری اقدامات کرے گا۔

اس سے پہلے منگل کی رات کو بھی سعودی عرب کے شہروں جزان، ابہا اور خمیس ​​مشیط میں حملے کے خطرات پر سائرن بج اٹھے تاہم کچھ دیر بعد وارننگ واپس لے لی گئی۔